ముఖ్యమంత్రి కేసీఆర్ ప్రాజెక్టుల్లో పాల్పడుతున్న అవినీతిపై సీబీఐ విచారణ జరిపించాలని కేంద్రానికి లేఖ రాయబోతున్నట్లు భాజపా జాతీయ ఉపాధ్యక్షురాలు డీకే అరుణ వెల్లడించారు. పాలమూరు- రంగారెడ్డి ఎత్తిపోతల డిజైన్లు కేవలం కమీషన్ల కోసమే మార్చారని ఆరోపించారు. అండర్ గ్రౌండ్ పంప్ హౌస్ సరికాదని ఇంజినీర్ల బృందం చెప్పినా... ప్రభుత్వం ముందుకెళ్లిందని విమర్శించారు.
'ప్రజలు ఇబ్బందులు పడుతుంటే సీఎం నిద్రపోతున్నారా?'
అకాల వర్షాలతో ప్రజలు ఇబ్బందులు పడుతుంటే సీఎం కేసీఆర్... ఫామ్హౌస్లో నిద్రపోతున్నారా అని తీవ్రస్థాయిలో మండిపడ్డారు భాజపా జాతీయ ఉపాధ్యక్షురాలు డీకే అరుణ. పాలమూరు- రంగారెడ్డి ఎత్తిపోతల డిజైన్లు కేవలం కమీషన్ల కోసమే మార్చారని ఆరోపించారు.
'ప్రజలు ఇబ్బందులు పడుతుంటే సీఎం నిద్రపోతున్నాడా?'
అండర్ గ్రౌండ్ పంప్హౌస్ వద్దని ఉమ్మడి మహుబూబ్నగర్ నాయకులు లేఖ రాశారని... వారిలో తెరాస మంత్రులు, ఎమ్మెల్యేలు కూడా ఉన్నారని తెలిపారు. ప్రాజెక్ట్లపై సీబీఐ విచారణ జరిపించాలని కేంద్రానికి లేఖ రాస్తామని అరుణ పేర్కొన్నారు. వర్షాలతో పంట నష్టపోతే పట్టించుకొనే నాథుడే లేడని దుయ్యబట్టారు. ప్రజలు తీవ్ర ఇబ్బందులు పడుతుంటే కేసీఆర్ ఫామ్హౌస్లో నిద్రపోతున్నాడా అని మండిపడ్డారు.
ఇదీ చదవండి:నాగార్జునసాగర్‌ 18 క్రస్టు గేట్లు ఎత్తి నీటి విడుదల