అక్రమ ఇసుక తరలింపుపై చర్యలు తీసుకోవాలని ఎస్పీకి ఫిర్యాదు

మహబూబ్​నగర్​ జిల్ల్ అడ్డాకల్​ మండలంలో జరుగుతున్న అక్రమ ఇసుక రవాణాపై చర్యలు తీసుకోవాలని తెలంగాణ బీసీ సంక్షేమ సంఘం రాచాల యుగంధర్​ గౌడ్​ డిమాండ్​ చేశారు. ఈ మేరకు ఆయన జిల్లా ఎస్పీప రెమా రాజేశ్వరికి ఫిర్యాదు చేసినట్టు తెలిపారు.

మహబూబ్​ నగర్​ జిల్లా అడ్డాకల్​ మండలం పెద్దమునిగల్​చేడ్​ గ్రామంలో కొన్ని రోజులుగా అక్రమ ఇసుక రవాణా జోరుగా సాగుతున్నది. అక్రమంగా ఇసుక తరలిస్తున్న వారిపై చర్యలు తీసుకోవాలని తెలంగాణ బీసీ సంక్షేమ సంఘం నాయకులు రాచాల యుగంధర్​ గౌడ్​ డిమాండ్​ చేశారు.

స్థానిక ప్రజా ప్రతినిధి ఈ ఇసుక రవాణాలో నేరుగా సంబంధం కలిగి ఉన్నాడని, అధికారులు స్పందించి వెంటనే చర్యలు తీసుకోవాలని ఆయన కోరారు. ఈ మేరకు జిల్లా ఎస్పీ రెమా రాజేశ్వరికి ఫిర్యాదు చేసినట్టు తెలిపారు. అక్రమ దందాపై విచారణ చేపట్టి బాధ్యులపై కఠిన చర్యలు తీసుకోవాలని డిమాండ్​ చేశారు. పోలీసు, రెవిన్యూ, మైనింగ్​ శాఖలు ఒకరి మీద ఒకరు నిందలు వేసుకుంటూ బాధ్యతను మరిచి అక్రమార్కులపై చర్యలు తీసుకోకుండా జాప్యం చేస్తున్నారని మండిపడ్డారు.

ఇవీ చూడండి: ఎమ్మెల్యే రాజాసింగ్​ గన్​మెన్​కు కరోనా పాజిటివ్