అన్నదాతలకు చేరని ప్రభుత్వ పెట్టుబడి సాయం..
Rythu Bandhu: రైతులకు పెట్టుబడి సాయం అందిస్తున్న వేళ...అధికార పార్టీ సంబరాలు చేస్తుంటే... ఆ సంతోషం కొంతమంది రైతులకు మాత్రం చేరడం లేదు. రైతుబంధు డబ్బుల్ని తీసుకోకుండా బ్యాంకులు వారి ఖాతాల్ని స్తంభింప చేయడమే ఇందుకు కారణం. జోగులాంబ గద్వాల జిల్లా కేటి దొడ్డి మండలం గువ్వలదిన్నె గ్రామానికి చెందిన సుమారు 60మంది రైతుల ఖాతాలు ఈ తరహాలోనే నిలిచిపోయాయి. వారి ఖాతాల్లోకి చేరిన రైతుబంధు డబ్బులు తీసుకోకుండా బ్యాంకు అధికారులు లావాదేవీలు నిలిపివేశారని రైతులు ఆరోపిస్తున్నారు. బ్యాంకు చుట్టూ తిరుగుతున్నా డబ్బులు ఇచ్చేందుకు అంగీకరించలేదని రైతులు ఆవేదన వ్యక్తం చేస్తున్నారు.