విద్యుదాఘాతంతో రెండు గోవులు మృతి

మేయడానికి వెళ్లిన రెండు ఆవులు తిరిగిరాలేదు.. వాటికోసం వెతుకుతుండగా మృతి చెందినట్టు యజమానికి తెలిసింది. హుటాహుటిన ఘటన స్థలానికి కుటుంబ సభ్యులు చేరుకున్నారు. విద్యుదాఘాతంతో మృత్యువాత చెందినట్లు తెలుసుకుని విలపించారు.

మహబూబాబాద్ జిల్లా తొర్రూర్ మండలం పోలేపల్లిలో విద్యుత్ షాక్​ కొట్టి రెండు ఆవులు మృతి చెందాయి. అదే గ్రామానికి చెందిన కొండపల్లి లక్ష్మినరసింహరావుకు చెందిన గోవులుగా వాటిని గుర్తించారు.

తామూ ఎంతో ప్రేమగా చూసుకుంటున్న రెండు గోవులు మృతి చెందడం పట్ల ఆ కుటుంబ సభ్యులు విలపించారు. పొలం వద్ద వర్షం కారణంగా ప్రమాదం జరవచ్చని గ్రామస్థులు చెబుతున్నారు. కానీ అసలు కారణాలు తెలియరాలేదు.

ఇదీ చూడండి :ఆంధ్రప్రదేశ్​కు తరలిస్తున్న మద్యం పట్టివేత