'కేజీ టూ పీజీ ఉచిత విద్యకు ప్రభుత్వం కృషి చేస్తోంది'

కేసీఆర్​ మానసపుత్రిక అయిన కేజీ టూ పీజీ ఉచిత విద్యను అందించేందుకు తెరాస ప్రభుత్వం కృషి చేస్తోందని గిరిజన, స్త్రీ, శిశు సంక్షేమ శాఖ మంత్రి సత్యవతి రాథోడ్​ అన్నారు.

స్వాతంత్ర్యం వచ్చినప్పటి నుంచి తెరాస అధికారంలోకి వచ్చే వరకు రాష్ట్రంలో గిరిజనులకు 50 గురుకుల పాఠశాలలుండేవని గిరిజన, స్త్రీ, శిశు సంక్షేమ శాఖ మంత్రి సత్యవతి రాథోడ్​ అన్నారు. ఐదేళ్ల కేసీఆర్​ పాలనలో 53 నూతన గురుకులాలు ప్రారంభించామని తెలిపారు.

మహబూబాబాద్​లో గిరిజన బాలుర రెసిడెన్షియల్​ పాఠశాల భవనాన్ని పంచాయతీరాజ్​ శాఖ మంత్రి ఎర్రబెల్లి దయాకర్​రావుతో కలిసి ఆమె ప్రారంభించారు. అనంతరం గ్రామ పంచాయతీలకు 40 ట్రాక్టర్లను పంపిణీ చేశారు.

గ్రామ సర్పంచ్​లు ట్రాక్టర్లను తమ సొంత పనులకు ఉపయోగించొద్దని మంత్రి ఎర్రబెల్లి స్పష్టం చేశారు. గ్రామాలను పరిశుభ్రంగా ఉంచేందుకు కృషి చేయాలని సూచించారు.

• ఇదీ చూడండి : లైంగిక దాడుల కేసుల్లో ఏం చేస్తున్నారు?: ఎన్​హెచ్​ఆర్​సీ