'ఉద్యమకారులపై పోలీసుల దమనకాండ నశించాలి '

వరంగల్ పోలీసులు అర్ధరాత్రి అదుపులోకి తీసుకున్న న్యూడెమోక్రసీ నేతలు సూర్యం, బూర్క ప్రతాప్​లను వెంటనే కోర్టులో హాజరు పరచాలంటూ కార్యకర్తలు మహబూబాబాద్​లో ధర్నా నిర్వహించారు. ఉద్యమకారులపై పోలీసుల దమనకాండ నశించాలని తెలిపారు.

మహబూబాబాద్​ జిల్లా కేంద్రంలోని అంబేద్కర్ విగ్రహం ముందు న్యూడెమోక్రసీ కార్యకర్తలు ప్లకార్డులు చేతపట్టుకుని ధర్నా చేపట్టారు. అర్ధరాత్రి అదుపులోకి తీసుకున్న సూర్యం, బూర్క ప్రతాప్​లను వెంటనే కోర్టులో హాజరుపరచాలంటూ డిమాండ్​ చేశారు. ప్రజా ఉద్యమాలపై పోలీసుల దమనకాండ నశించాలి, ఆదివాసీ, పీసా చట్టాలను రక్షించాలంటూ నినాదాలు చేశారు. తెరాస ప్రభుత్వం గత ఐదు సంవత్సరాలుగా ఉద్యమకారులపై అక్రమ కేసులు పెడుతూ అణచివేస్తున్నారని విమర్శించారు.