super spiders: టీకా కేంద్రాన్ని సందర్శించిన కలెక్టర్​, ఎమ్మెల్యే

మహబూబాబాద్​లోని ప్రభుత్వ బాలుర పాఠశాలలో ఏర్పాటు చేసిన సూపర్ స్పైడర్ల వ్యాక్సినేషన్ (super spiders vaccination) కేంద్రాన్ని జిల్లా కలెక్టర్ గౌతమ్, ఎమ్మెల్యే(MLA) శంకర్ నాయక్​లు పరిశీలించారు. టీకా కార్యక్రమాన్ని వినియోగించుకోవాలని కలెక్టర్​ సూచించారు.

మహబూబాబాద్ జిల్లావ్యాప్తంగా సూపర్ స్పైడర్లకు వ్యాక్సినేషన్ కార్యక్రమం (super spiders vaccination) కొనసాగుతోంది. రాష్ట్ర ప్రభుత్వ ఆదేశాలతో మహబూబాబాద్ జిల్లాలో సూపర్ స్పైడర్లకు ఏడు కేంద్రాలను ఏర్పాటు చేశారు. ఆ కేంద్రాల్లో 1,350 మందికి టీకా ఇవ్వనున్నారు. మహబూబాబాద్ పట్టణంలోని ప్రభుత్వ బాలుర పాఠశాలలో ఏర్పాటు చేసిన వ్యాక్సినేషన్ కేంద్రాన్ని జిల్లా కలెక్టర్ గౌతమ్, ఎమ్మెల్యే(MLA) శంకర్ నాయక్​లు సందర్శించారు.

ప్రతి నిత్యం ప్రజలకు అందుబాటులో ఉండే జర్నలిస్టులు, గ్యాస్ సరఫరా చేసే వారు, పెట్రోల్ బంక్​లో పనిచేసే వారు, ఆటో, క్యాబ్ డ్రైవర్లు, ఫెర్టిలైజర్స్ అండ్ ఫెస్టిసైడ్స్ సిబ్బంది, చిరు వ్యాపారులకు వ్యాక్సిన్ ఇస్తున్నామని కలెక్టర్​ తెలిపారు. అందరూ ఈ అవకాశాన్ని సద్వినియోగం చేసుకోవాలని కోరారు.

ప్రభుత్వ నిబంధనలు, సలహాలు, సూచనలు ప్రజలంతా తప్పకుండా పాటించాలని ఎమ్మెల్యే అన్నారు. లాక్​డౌన్(Lock down) వెసులుబాటు సమయంలో అత్యవసరమైన పని ఉన్న వారు మాత్రమే బయటకు రావాలని ఆయన తెలిపారు. అవసరం లేని వారు బయటకు రావొద్దని ప్రజలకు విజ్ఞప్తి చేశారు.

ఇదీ చూడండి:Weather Report: రాష్ట్రంలోని పలు ప్రాంతాల్లో వర్షాలు... హైదరాబాద్​లో ఎండలు