చంటిపిల్లలతో లెక్కింపు కేంద్రాల వద్ద తల్లుల తిప్పలు

చిన్న చిన్న పిల్లలను ఎత్తుకొని కౌంటింగ్ కేంద్రాల వద్ద ఇబ్బందులు పడుతున్నారు చాలా మంది. ఇదేంటీ... అక్కడెందుకున్నారు అనుకుంటున్నారా...?

ఎండలో చిన్న పిల్లలనెత్తుకొని పాలు పడుతూ... అక్కడే ఊయల కట్టి చంటి పిల్లలను లాలిస్తున్నారు కొంత మంది మహిళలు. అదేంటీ ఎండలో ఎందుకు చిన్నపిల్లలను ఉంచారు అనుకుంటున్నారా...! ఓ వైపు ఉద్యోగ కర్తవ్యం... మరోవైపు తల్లిప్రేమ. సంవత్సరం కూడా నిండని చిన్నారులను ఇంట్లో వదిలి రాలేక... కౌంటింగ్ కేంద్రాల వద్దకే తీసుకు వచ్చి లాలిస్తున్నారు ఆ తల్లులు.

మహబూబాబాద్ జిల్లా కేంద్రంలోని ఫాతిమా హై స్కూల్​లో ప్రాదేశిక ఎన్నికల ఓట్ల లెక్కింపు ప్రక్రియ ప్రశాంతంగా కొనసాగుతోంది. ఓట్ల లెక్కింపులో ఫలితాల కోసం కొందరు, కౌంటింగ్​లో పాల్గొనేందుకు వచ్చిన మహిళా సిబ్బంది.... సరైన సౌకర్యాలు లేక ఇలా ఎండలో ఇబ్బందులు పడుతున్నారు.