ఎల్ఆర్ఎస్​ను రద్దు చేయాలని తహసీల్దార్​కు వినతి పత్రం

ఎల్​ఆర్​ఎస్​ను తక్షణమే రద్దు చేయాలని మహబూబాబాద్ జిల్లా దంతాలపల్లిలో భాజపా ఆధ్వర్యంలో తహసీల్దార్​కు వినతి పత్రం అందజేశారు. ప్రజలపై భారాన్ని మోపేందుకే ఎల్​ఆర్​ఎస్​ను తీసుకొచ్చారని ఆగ్రహం వ్యక్తం చేశారు.

మహబూబాబాద్ జిల్లా దంతాలపల్లి మండల కేంద్రంలో భాజపా కార్యకర్తలు తహసీల్దార్ విజయలక్ష్మికి ఎల్ఆర్ఎస్​ను రద్దు చేయాలని డిమాండ్ చేస్తూ వినతి పత్రం అందజేశారు. తెలంగాణ ప్రభుత్వం తీసుకొచ్చిన ఎల్ఆర్ఎస్ అన్ని వర్గాల ప్రజలకు గుదిబండగా మారిందని.. వెంటనే రద్దు చేయాలని కోరారు.

రాష్ట్ర ప్రభుత్వం ప్రజలపై భారాన్ని మోపేందుకే ఎల్ఆర్ఎస్​ను తీసుకొచ్చిందని.. తక్షణమే ఉపసంహరించుకోవాలని డిమాండ్ చేశారు. ప్రభుత్వానికి వ్యతిరేకంగా నినాదాలు చేశారు. కార్యక్రమంలో పార్టీ మండల అధ్యక్షుడు వెంకన్నతో పాటు పలువురు నాయకులు పాల్గొన్నారు.

ఇదీ చూడండి:ఎల్​ఆర్ఎస్​ రద్దు చేయాలంటూ భాజపా నేతల నిరసన