140 క్వింటాళ్ల పీడీఎస్​ బియ్యం స్వాధీనం

గుట్టుచప్పుడు కాకుండా లారీలో తరలిస్తున్న పీడీఎస్‌ బియ్యాన్ని టాస్క్‌ఫోర్స్‌ పోలీసులు, స్థానిక పోలీసులు స్వాధీనం చేసుకున్న ఘటన మహబూబాబాద్​లో చోటు చేసుకుంది.

మహబూబ్​బాబాద్ జిల్లా నర్సింహులపేట మండలం బొజ్జన్నపేట గ్రామ శివారులోని జామాయిల్‌ తోటలో 140 క్వింటాళ్ల పీడీఎస్‌ బియ్యాన్ని నిల్వ చేశారు. వివిధ గ్రామాల్లో లబ్ధిదారుల నుంచి కొనుగోలు చేసిన బియ్యాన్ని సేకరించి నిల్వచేసినట్లు పోలీసులు వెల్లడించారు.

అక్కడి నుంచి తరలించేందుకు లారీలో ఎక్కిస్తుండగా పోలీసులు దాడులు నిర్వహించి వాటిని స్వాధీనం చేసుకున్నారు. పట్టుబడిన బియ్యంతో పాటు వాహనాలను పోలీస్‌ స్టేషన్‌కు తరలించారు.