మహబూబాబాద్ జిల్లాలో శనివారం రాత్రి కురిసిన వర్షానికి వాగులు, చెరువులు పొంగి పొర్లుతున్నాయి. డోర్నకల్ నియోజకవర్గంలోని పలు గ్రామాల్లో రహదారులు బురదమయమయ్యాయి. దంతాలపల్లి మండలంలోని పాలేరు, చిన్నగూడూరు వద్ద ఆకేరు, డోర్నకల్లోని మున్నేరు వాగులు వరద ఉద్ధృతితో పొంగిపొర్లుతున్నాయి.
ఉప్పొంగుతున్న చెరువులు.. ఆకట్టుకుంటున్న మత్తడి సోయగాలు - మహబూబాబాద్లో మత్తడి సోయగాలు
శనివారం రాత్రి కురిసిన వర్షానికి మహబూబాబాద్ జిల్లాలో చెరువులు, వాగులు పొంగి పొర్లుతున్నాయి. వరద ఉద్ధృతి వల్ల పలు మండలాల్లో గ్రామాల మధ్య రాకపోకలు నిలిచిపోయాయి.
మహబూబాబాద్లో ఉప్పొంగుతున్న చెరువులు
చెక్డ్యామ్ల వద్ద నీరు ఉద్ధృతంగా ప్రవహిస్తోంది. చెరువులు మత్తడి పోస్తున్నాయి. వాగులు అలుగు పారుతున్నాయి. పాలేరు వాగులో వరద ఉద్ధృతి వల్ల దంతాలపల్లి-పెద్ద ముప్పారం గ్రామాల మధ్య రాకపోకలు నిలిచిపోయాయి. లో-లెవల్ బ్రిడ్జిపై నుంచి వరద నీరు ప్రవహిస్తోంది. వాగుల వెంట రైతులు ఏర్పాటు చేసుకున్న సాగునీటి విద్యుత్ మోటార్లు నీటిలో మునిగిపోయాయి.