కోదండరామ్‌ను అదుపులోకి తీసుకున్న పోలీసులు

తెజస అధినేత కోదండరామ్​ను పోలీసులు అదుపులోకి తీసుకున్నారు. సునీల్​నాయక్​ అంత్యక్రియలకు వెళ్తుండగా ఆయను అడ్డుకుని పీఎస్​కు తరలించారు.

మహబూబాబాద్ జిల్లా గూడూరు మండలం తేజావత్ సింగ్ తండాలో ఆత్మహత్య చేసుకున్న బోడ సునీల్ అంత్యక్రియలకు వెళ్తున్న తెజస అధ్యక్షుడు ప్రొఫెసర్ కోదండరామ్​ను కేసముద్రం మండలం కాట్రపల్లి శివారులో పోలీసులు అదుపులోకి తీసుకున్నారు. కేసముద్రం పోలీస్​ స్టేషన్​కు తరలించారు.

రాష్ట్రంలో అంత్యక్రియలకు పోయే స్వేచ్ఛ కూడా లేకుండా పోయిందని కోదండరామ్ మండిపడ్డారు. ముఖ్యమంత్రి కేసీఆర్​పై హత్యానేరం కేసు నమోదు చేయాలని డిమాండ్​ చేశారు. రాష్ట్రంలో ఉద్యోగాల భర్తీకి క్యాలెండర్ ప్రకటించాలన్నారు. సునీల్ కుటుంబ సభ్యుల న్యాయమైన కోరికలను తీర్చాలని డిమాండ్ చేశారు.

ఇదీ చదవండి: బండి సంజయ్‌ను అదుపులోకి తీసుకున్న పోలీసులు