ప్లాస్టిక్ వినియోగాన్ని తగ్గించి పర్యావరణ పరిరక్షణకు ప్రతి ఒక్కరు కృషి చేయాలని కోరుతూ మహబూబాబాద్ జిల్లా డోర్నకల్ నియోజకవర్గం వ్యాప్తంగా ఈనాడు-ఈటీవీ భారత్ ఆధ్వర్యంలో అవగాహన ర్యాలీలు నిర్వహించారు. దంతాలపల్లి, నర్సింహులపేట, మరిపెడ, కురవి, డోర్నకల్ మండలాల్లో వైద్య సిబ్బంది, కళాశాల విద్యార్థులు స్వచ్ఛంద సంస్థల ఆధ్వర్యంలో ర్యాలీలు తీశారు. దంతాలపల్లిలో వరంగల్-ఖమ్మం రాష్ట్ర రహదారిపై మానవహారం నిర్వహించారు. పర్యావరణానికి పెను ముప్పుగా మారిన ప్లాస్టిక్ వినియోగాన్ని పూర్తిగా తగ్గించాలని కోరుతూ నినాదాలు చేశారు. ప్లాస్టిక్ నిర్మూలనకు అందరూ కృషి చేయాలని పలువురు వక్తలు కోరారు.
'ప్లాస్టిక్ నిర్మూలనకు ప్రతి ఒక్కరూ కృషి చేయాలి'