లబ్ధిదారులకు ఎమ్మెల్యే రెడ్యానాయక్ చెక్కుల పంపిణీ

ఆడపిల్లల పెళ్లిల్లు తల్లిదండ్రులకు భారం కాకుడదనే సీఎం కేసీఆర్ కల్యాణ లక్ష్మి, షాదీ ముబారక్​ పథకాలను ప్రవేశపెట్టారని డోర్నకల్ ఎమ్మెల్యే రెడ్యానాయక్ తెలిపారు. దేశంలో ఎక్కడాలేని విధంగా అనేక ప్రజా సంక్షేమ పథకాలు అమలు చేస్తున్న ఘనత ముఖ్యమంత్రికే దక్కుతుందని పేర్కొన్నారు.

మహబూబాబాద్ జిల్లా మరిపెడలో డోర్నకల్ ఎమ్మెల్యే రెడ్యానాయక్... లబ్దిదారులకు కల్యాణ లక్ష్మి, షాదీ ముబారక్​ చెక్కులు పంపిణీ చేశారు. పేదింటి ఆడపిల్లల పెళ్లిళ్లు చేసేలా ప్రభుత్వం చేయూతనిస్తోందని పేర్కొన్నారు. నియోజకవర్గంలోని ఆరు మండలాలకు చెందిన 207 మంది లబ్ధిదారులకు చెక్కులు అందించారు.

పేద కుటుంబాలు ఆడపిల్లలకు పెళ్లి చేసేందుకు ఇబ్బందులు పడుతున్నారని గుర్తించి... సీఎం కేసీఆర్ ఈ పథకాలు ప్రవేశపెట్టినట్లు ఎమ్మెల్యే తెలిపారు. వీటిలో ఎలాంటి అవకతవకలకు ఆస్కారం లేకుండా ప్రభుత్వం చర్యలు తీసుకుంటుందని తెలిపారు. దేశంలో ఏ రాష్ట్రంలో లేని విధంగా అనేక ప్రజా సంక్షేమ పథకాలు అమలు చేస్తున్న ఘనత కేసీఆర్​కే దక్కుతుందన్నారు.

ఇదీ చూడండి:ప్రాణాలను హరిస్తోన్న పుష్కరఘాట్లు.. కనిపించని రక్షణ చర్యలు