TEEZ FESTIVAL: తీజ్ వేడుకల్లో స్టెప్పులేసిన ప్రజాప్రతినిధులు.. ఎక్కడంటే..?
మహబూబాబాద్ జిల్లా బయ్యారం మండలం బాల్యాతండాలో జరిగిన తీజ్ వేడుకల్లో మంత్రి సత్యవతి రాఠోడ్, ఎంపీ మాలోత్ కవిత, ఎమ్మెల్యే హరిప్రియ నాయక్లు పాల్గొన్నారు. గిరిజన ఆడపడుచులతో కలిసి ఆనందంగా నృత్యం చేశారు. సకల శుభాలు కలగాలంటూ తీజ్ పండగ శుభాకాంక్షలు తెలిపారు. అనంతరం ఆనందోత్సహాల మధ్య గోధుమ నారు బుట్టలను సమీపంలోని చెరువుల్లో నిమజ్జనం చేశారు.
అంతకుముందు మహబూబాబాద్ జిల్లా కేంద్రం నుంచి బయ్యారం మండలం బాల్యాతండాకు వస్తుండగా.. మార్గమధ్యలో ఎంపీ మాలోత్ కవిత, ఎమ్మెల్యే హరిప్రియలు ఓ పొలంలో దిగి.. నాటు వేశారు. తామూ పొలం పనులు చేస్తామంటూ కూలీలతో కాసేపు సరదాగా ముచ్చటించారు. అనంతరం అక్కడి నుంచి బయలుదేరి.. బాల్యాతండాలో తీజ్ వేడుకల్లో పాల్గొన్నారు.