ఓట్లకోసం లక్షలు పంచుతాం కానీ.. కష్టకాలంలో ఆదుకోండి: ఎర్రబెల్లి

ఎన్నికల్లో గెలిచేందుకు సర్పంచుల నుంచి ఎంపీల వరకు లక్షలు ఖర్చుపెడతామని.. ఓట్లు కొనుగోలు చేస్తామంటూ రాష్ట్ర పంచాయతీరాజ్​ శాఖ మంత్రి ఎర్రబెల్లి దయాకర్​రావు వ్యాఖ్యానించారు. మహబూబాబాద్​లో ఓ కార్యక్రమానికి హాజరైన మంత్రి ఎర్రబెల్లి ఎన్నికల్లో ఓటుకు నోటుపై బహిరంగ వ్యాఖ్యలు చేశారు. కరోనా సాయంపై స్పందిస్తూ.. "గ్రామాలల్ల కూడా సర్పంచ్​లకు, ఎంపీటీసీలకు, ప్రజా ప్రతినిధులందరికీ నేను విజ్ఞప్తి చేస్తున్నా. ప్రభుత్వం నుంచి సాయం ఇస్తనే ఉన్నది. ఎమ్మెల్యేలకు,ఎంపీలకు కూడ నేను విజ్ఞప్తి చేస్తున్న. ఇప్పుడు మనకు ముఖ్యం. ఎలక్షన్లప్పుడు లక్షలకు లక్షలు ఖర్చు పెడ్తం. ఓటుకిన్ని ఇస్తం. సర్పంచ్ ఐనా. ఏ ఎలక్షన్​ల ఐనా. అది ముఖ్యం కాదు. ఇయ్యాల ముఖ్యం. గ్రామాలల్ల ప్రజలకు ప్రభుత్వం నుంచి సాయం సరైన రీతిలో అందేటట్లు చూడాలె. ఇంకా పూర్తిగా విధి లేని వాళ్లెవలన్నుంటె.. మనం అరుసుకున్నప్పుడే గొప్ప విషయం అని కూడా ఈ సందర్భంగా తెలియజేస్తున్నా. " అని ఎర్రబెల్లి అన్నారు.

ఇవీచూడండి:హైకోర్టులో కరోనా కల్లోలం- మే 3 వరకు సర్వం బంద్