వైభవంగా రామలింగేశ్వరస్వామి కల్యాణం

మహబూబాబాద్ జిల్లా కురవి మండల కేంద్రం శ్రీ భద్రకాళి సమేత వీరభద్రస్వామి బ్రహ్మోత్సవాల ముగింపు సందర్భంగా శ్రీ రామలింగేశ్వరస్వామి, పార్వతి కల్యాణం వైభవంగా నిర్వహించారు.

మహబూబాబాద్ జిల్లా కురవి మండల కేంద్రం శ్రీ భద్రకాళి సమేత వీరభద్రస్వామి దేవాలయంలో శ్రీ రామలింగేశ్వరస్వామి, పార్వతి కల్యాణాన్ని ఆలయ అర్చకులు వైభవంగా నిర్వహించారు. ఈ కార్యక్రమానికి వేలాదిగా భక్తులు హాజరయ్యారు. హరహర మహదేవ, శంభోశంకర నామజపంతో ఆలయ ప్రాంగణం మారుమోగింది.

తొలుత ఆలయ అర్చకులు శాస్త్రోక్తంగా మహాన్యాస పూర్వక రుద్రాభిషేకం, రుద్రహోమం నిర్వహించారు. ఈ సమయం ఆలయంలో అద్భుతమైన సన్నివేశం చోటుచేసుకుంది. హనుమంతుడి అవతారంగా భావించే వానరం కల్యాణంలో పాల్గొని రుద్రహోమంలోని నవధాన్యాలు, అరటి పండ్లు, పుష్టిగా ఆరగించింది. ఈ సన్నివేశం చూసి భక్తులు పులకించిపోయారు.

ఇదీ చూడండి:సీఏ పాస్ కాలేదని విద్యార్థిని ఆత్మహత్య