సీఎంగారూ రైతులందరి సమస్యలు పరిష్కరించండి

రాష్ట్రంలో దాదాపు 12 లక్షల మంది రైతులు భూ వివాదాలతో రైతుబంధు చెక్కులు అందక ఇబ్బందులు పడుతున్నారని తెజస అధ్యక్షుడు కోదండరాం అన్నారు. ముఖ్యమంత్రి వారందరి సమస్యల పరిష్కారానికి చర్యలు తీసుకోవాలని కోరారు.

ఫేస్​బుక్​లో వచ్చిన ఓ రైతు సమస్యకు ముఖ్యమంత్రి కేసీఆర్ స్పందించి పరిష్కరించడం అభినందనీయమని తెలంగాణ జన సమితి వ్యవస్థాపక అధ్యక్షుడు ప్రొఫెసర్​ కోదండరాం అన్నారు. మహబూబాబాద్​ జిల్లా కేంద్రంలో పార్లమెంటరీ నియోజకవర్గ ముఖ్యకార్యకర్తల సమావేశంలో పాల్గొన్నారు. తాము చేసిన సర్వేలో చాలా మంది రైతులు ఇదే సమస్యతో బాధపడుతున్నారని సీఎం వారి సమస్యల పరిష్కారానికి చొరవ చూపాలని కోరారు. తెజస అభ్యర్థులు పోటీ చేయని చోట కాంగ్రెస్​కు మద్దతిస్తామని ప్రకటించారు. ప్రజలంతా ఆలోచించి ఓటేయాలని సూచించారు.

ఇదీ చదవండి :పార్లమెంటు పోరుకు వెళ్తోన్న నేతలు వీళ్లే...!