కన్నుల పండువగా జగన్నాథుని తెప్పోత్సవం

పూలవర్షంతో, గోవిందనామస్మరణ మధ్య జగన్నాథుని తెప్పోత్సవం ఘనంగా జరిగింది. మహబూబాబాద్​ జిల్లా అనంతాద్రి క్షేత్రంలో పంచమ వార్షిక బ్రహ్మోత్సవాలు వైభవంగా సాగుతున్నాయి.

మహబూబాబాద్ జిల్లా అనంతాద్రి క్షేత్రంలోని శ్రీ స్వయంభూ జగన్నాథ వెంకటేశ్వరాలయ పంచమ వార్షిక బ్రహ్మోత్సవాలు ఘనంగా సాగుతున్నాయి. వేడుకల్లో భాగంగా భూనీల సమేత శ్రీ వెంకటేశ్వర స్వామి వారి కల్యాణాన్ని వైభవంగా నిర్వహించారు.

అనంతరం రామానుజ పుష్కరిణిలో తెప్పోత్సవం జరిపారు. పూలవర్షంతో, గోవింద నామస్మరణతో పరిసరాలన్ని తిరుమలను తలపించాయి. భక్తులు పెద్దసంఖ్యలో హాజరయ్యారు. స్వామివారి తెప్పోత్సవాన్ని కనులారా తిలకించి పరవశించిపోయారు.

ఇదీ చూడండి:భాజపా రాష్ట్ర అధ్యక్షుడిగా బండి సంజయ్