'వాళ్లనైనా చంపండి.. లేదంటే మేమైనా చస్తాం'

మహబూబాబాద్ జిల్లా శనిగపురంలో హత్యకు గురైన దీక్షిత్‌రెడ్డి కుటుంబం శోకసంద్రంలో మునిగింది. కిడ్నాప్‌కు గురైన బిడ్డ తిరిగొస్తాడని ఎదురుచూసిన తల్లిదండ్రులు.... ఇక తిరిగిరాడనే వార్తను జీర్ణించుకోలేకపోతున్నారు. నిందితులను ఎన్​కౌంటర్​ చేయాలని డిమాండ్ చేస్తున్నారు.

దీక్షిత్‌ హత్యకు గురయ్యాడన్న వార్తతో కుటుంబసభ్యులు తల్లిడిల్లిపోతున్నారు. ఇంటి దీపం ఆరిపోయిందని కన్నీరుమున్నీరుగా విలపిస్తున్నారు. బిడ్డ జ్ఞాపకాలను గుర్తుతెచ్చుకుంటూ గుండెలవిసేలా తల్లిదండ్రులు రోదిస్తున్నారు. బిడ్డ కోసం ఎన్నో కలలు గన్న అని దీక్షిత్​ తల్లి వసంత చెబుతోంది. ఇక తిరిగిరాడనే వార్తను జీర్ణించుకోలేకపోతున్నామని అంటోంది. తన కుమారుడిని హత్యచేసిన కిరాతకుడిని వదిలిపెట్టవద్దని కోరింది.

తన మనవడి హత్య వెనుక మంద సాగర్​, మనోజ్​, సంఘర్ష్​, అనిల్​ అనే నలుగురు వ్యక్తులు ఉన్నారని చెప్పారు. డబ్బు కోసమే హత్య చేశారని అన్నారు. వాళ్లనైనా... చంపండి.. లేదంటే మేమైనా చస్తామంటూ... దీక్షిత్​ తాతా వాపోయారు. నిందితులను ఎన్​కౌంటర్​ చేయాలని డిమాండ్​ చేశారు.

సంబంధిత కథనాలు...