కూరగాయలు పంపిణీ చేసిన కౌన్సిలర్​ నీరజ ధర్మన్న

లాక్​డౌన్ కాలంలో​ ప్రజలు ఆకలితో అలమటించకూడదనే ఉద్దేశంతో మహబూబాబాద్​ మున్సిపాలిటీ 36వ వార్డులోని పేదలకు కౌన్సిలర్​ నీరజ ధర్మన్న చేయూత అందించారు. ప్రతి ఇంటికి తిరుగుతూ... ఆరు రకాల కూరగాయలతో కూడిన బ్యాగ్​ను ప్రజలకు అందజేశారు.

మహబూబాబాాద్​ జిల్లా మహబూబాబాద్ మున్సిపాలిటీలోని 36వ వార్డులో పేదలను వార్డు కౌన్సిలర్​ నీరజ ధర్మన్న ఆదుకున్నారు. మంగళవారం ప్రతి ఇంటికి తిరుగుతూ... సుమారు మూడు వందల కుటుంబాలకు ఆరు రకాల కూరగాయలను అందజేశారు. ఈ విపత్కర పరిస్థితుల్లో తనకు చేతనైన చిరు సహాయాన్ని అందిస్తామని హామీ ఇచ్చారు.

కరోనా వైరస్​ వేగంగా వ్యాప్తి చేందుతున్నందున ప్రజలంతా జాగ్రత్తగా ఉండాలన్నారు. లాక్​డౌన్​కు అందరు సహకరించాలని కోరారు. ఈ కార్యక్రమంలో సీపీఐ మున్సిపల్ ఫ్లోర్ లీడర్ అజయ్ సారధి, మాజీ కౌన్సిలర్ రామ్మూర్తి, ఉప్పల రంగా, కుమార్, తదితరులు పాల్గొన్నారు.

ఇదీ చూడండి:కరోనాకు వ్యాక్సిన్‌ కనిపెట్టడంలో చైనా దూకుడు!