సమీకృత మోడల్​ మార్కెట్​ కోసం స్థల పరిశీలన

మహబూబాబాద్​ జిల్లాలో నూతనంగా ఏర్పాటు చేయనున్న సమీకృత మోడల్​ మార్కెట్​ నిర్మాణం కోసం జిల్లా పాలనాధికారి వి.పి.గౌతమ్​ స్థల పరిశీలన చేశారు.

మహబూబాబాద్​లో సమీకృత మోడల్ మార్కెట్ ఏర్పాటు కోసం వ్యవసాయ శాఖ సహాయ సంచాలకుల కార్యాలయాన్ని, గోడౌన్​ల పరిసర ప్రాంతాలను జిల్లా పాలనాధికారి వి.పి. గౌతమ్​ ఆకస్మికంగా పరిశీలించారు. సాధ్యాసాధ్యాల గురించి అధికారులతో చర్చించారు.

అనంతరం వ్యవసాయ శాఖ పక్కన గల కూరగాయల మార్కెట్​ను సందర్శించారు. విక్రయదారులతో మాట్లాడి పలు సమస్యల వివరాలు తెలుసుకున్నారు. మంచినీటి సౌకర్యం లేదని విక్రయదారులు కలెక్టర్ దృష్టికి తీసుకురాగా.. వెంటనే నల్లాలను ఏర్పాటు చేయించాలని సంబంధిత అధికారులను ఆదేశించారు.

ఇదీ చూడండి :కారు-లారీ ఢీకొని ఇద్దరు మృతి, ఒకరికి తీవ్రగాయాలు