హోం ఐసోలేషన్​లో కరోనా బాధితులను పరామర్శించిన కలెక్టర్​

మహబూబాబాద్​లోని పలు ప్రాంతాల్లో కరోనా బారినపడి హోంఐసోలేషన్​లో ఉండి చికిత్స పొందుతున్న కుటుంబాలను కలెక్టర్​ గౌతమ్ పరామర్శించారు. వారి ఆరోగ్యపరిస్థితులను అడిగి తెలుసుకున్నారు. భయపడవద్దని భరోసా కల్పించారు.​

కరోనా విస్తరిస్తోన్న నేపథ్యంలో మహబూబాబాద్ పట్టణంలోని పలు వీధుల్లో కలెక్టర్​ గౌతమ్ పర్యటించారు. ఇంటింటికి తిరుగుతూ హోమ్ ఐసోలేషన్​లో ఉండి చికిత్స తీసుకుంటున్న వారి ఆరోగ్య పరిస్థితులను అడిగి తెలుసుకున్నారు. భయపడవద్దని తాము ఉన్నామని భరోసా కల్పించారు. వైద్య, రెవెన్యూ అధికారులతో కలిసి కృష్ణ కాలనీ, కంకర బోర్డ్, ఇందిరా గ్రౌండ్, ప్రభుత్వ క్వారంటైన్ సెంటర్ తదితర ప్రాంతాల్లో ఆయన కలియతిరిగారు.

కరోనా విస్తరించకుండా తీసుకున్న చర్యలను అధికారులను అడిగి తెలుసుకున్నారు. కొవిడ్ బారిన పడిన వారికి ఎల్లవేళలా అందుబాటులో ఉండాలని వైద్య సిబ్బందిని ఆదేశించారు. స్థానిక ప్రజాప్రతినిధులు కూడా రోగగ్రస్తులకు అండగా ఉండాలని కోరారు.

ఇవీ చూడండి:గేటెడ్‌ కమ్యూనిటీల్లో కరోనా చికిత్