మారుమూల ప్రాంతాలకు ఆధునాతన ఆంబులెన్స్​ సేవలు: ఎంపీ కవిత

వెనుకబడిన ప్రాంతాల ప్రజలకు ఆధునిక వైద్య సేవలను అందించేందుకు ఆంబులెన్స్ బహుకరిస్తున్నామని మహబూబాబాద్ ఎంపీ మాలోత్​ కవిత అన్నారు. గిఫ్ట్ ఎ స్మైల్​ కార్యక్రమంలో భాగంగా జిల్లాలోని నెల్లికుదురు ప్రాథమిక ఆరోగ్య కేంద్రంలో ఆంబులెన్స్ సేవలను ఆమె ప్రారంభించారు.

మహబూబాబాద్ జిల్లా నెల్లికుదురు ప్రాథమిక ఆరోగ్య కేంద్రంలో ఆధునాతన సౌకర్యాలతో కూడిన ఆంబులెన్స్​ను ఎంపీ కవిత ప్రారంభించారు. మారుమూల ప్రాంతాల్లో నివసించే ప్రజలకు ఆధునిక వైద్యం అందించేందుకు తన వంతు సహకారం అందిస్తానని ఆమె తెలిపారు. ఆంబులెన్స్ సౌకర్యం లేక దాదాపు 20 ఏళ్లుగా మండల ప్రజలు ఇబ్బందులు పడుతున్నారని ఎంపీ పేర్కొన్నారు.

'గిఫ్ట్​ ఎ స్మైల్​' కార్యక్రమంలో భాగంగా రూ.21 లక్షల ఎంపీ నిధులతో కొనుగోలు చేసినట్లు కవిత వెల్లడించారు. ఆంబులెన్స్ అందుబాటులోకి రావడంతో మండల ప్రజల సమస్యలు తొలగిపోతాయని అన్నారు. ఎమ్మెల్యే శంకర్ నాయక్​ ఆంబులెన్స్​ను నడపుతూ ఎంపీతో కలిసి కొద్దిదూరం ప్రయాణించారు. ఈ కార్యక్రమంలో జిల్లా పాలనాధికారి గౌతమ్, వైద్యాధికారులు, తెరాస నాయకులు, ఆస్పత్రి సిబ్బంది పాల్గొన్నారు.

ఇదీ చూడండి:నిబంధనలు ఉల్లంఘిస్తే... జరిమానాలు తప్పవు