తప్పిన ప్రమాదం.. నిలిచిన రైళ్లు..

ఓ ప్రయాణికుడి అప్రమత్తతతో ప్రమాదం తప్పింది. అతని సమాచారంతో రైలు సిబ్బంది మరమ్మతులు చేశారు. సుమారు 40 నిమిషాల పాటు కృష్ణా, అండమాన్​ ఎక్స్​ప్రెస్​లు నిలిచిపోయాయి.

మహబూబాబాద్​ జిల్లా కేసముద్రం రైల్వే స్టేషన్​లో కృష్ణా ఎక్స్​ప్రెస్​కు ప్రమాదం తప్పింది. తిరుపతి నుంచి సికింద్రాబాద్​ వెళ్తున్న రైలు కేసముద్రంలో కొద్ది సేపు ఆగింది. ఆసమయంలో రైలు పట్టాల జాయింట్​ వద్ద బోల్టు ఊడిపోయి ఉండడాన్ని గమనించిన ఓ ప్రయాణికుడు సిబ్బందికి సమాచారం అందించాడు. వెంటనే స్పందించి మరమ్మతులు చేసి రైలును పంపించారు. సుమారు 40 నిమిషాల పాటు కృష్ణా ఎక్స్​ప్రెస్ నిలిచిపోయింది. ఈ ఘటనతో మహబూబాబాద్​ రైల్వే స్టేషన్​లో అండమాన్​ ఎక్స్​ప్రెస్​ను కూడా నిలిపివేశారు.