అనుమానాస్పద స్థితిలో మహిళ మృతదేహం

అనుమానాస్పద స్థితిలో ఓ మహిళ మృతి చెందిన ఘటన మహబూబాబాద్‌ జిల్లాలో చోటు చేసుకుంది.

మహబూబాబాద్​ జిల్లా డోర్నకల్​ మండలం మన్నెగూడ గ్రామంలో తేజావత్​ జ్యోతి(31) అనే మహిళ అనుమానాస్పద స్థితిలో మృతి చెందింది. గ్రామ శివారులోని వ్యవసాయ భూమిలో తలపై బలమైన గాయాలతో ఆమె విగతజీవిగా పడి ఉంది.

మృతదేహం సమీపంలో ధ్వంసమైన ఓ ద్విచక్ర వాహనం ఉంది. అటుగా వెళ్తున్న గ్రామస్థులు జ్యోతి మృతదేహాన్ని గమనించిన పోలీసులకు సమాచారం అందించారు. ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు ప్రారంభించారు.

ఇదీ చూడండి :మాటలతో మాయ చేసి.. మంత్రి పేరుతో ముంచేస్తాడు..!