తెలంగాణ ప్రొహిబిషన్ అండ్ ఎక్సైజ్ శాఖ 2019 - 21 సంవత్సరాలకు గాను నూతన మద్యం పాలసీ ప్రకారం మహబూబాబాద్ జిల్లాలోని 52 మద్యం దుకాణాలకు టెండర్లను ఆహ్వానిస్తూ గెజిట్ నోటిఫికేషన్ను విడుదల చేస్తున్నట్లు సూపరింటెండెంట్ దశరథం తెలిపారు. ఈ నెల 9వ తేదీ నుంచి 16వ తేదీ వరకు దరఖాస్తులు స్వీకరిస్తారని, 18న పట్టణంలోని ఏ.బీ ఫంక్షన్ హాలులో డ్రాలు తీయనున్నట్లు ఆయన పేర్కొన్నారు. జిల్లాలో గత సంవత్సరం 2 స్లాబ్లు ఉండగా... ఈ ఏడు 3 స్లాబ్లు గా మార్చామని దరఖాస్తు దారులు రెండు లక్షల రూపాయలు డీడీ లేదా చలానా తీయాలని వెల్లడించారు. లాటరీలో మద్యం దుకాణం లభించిన వారు అదే రోజు నాలుగోవంతు డీడీ తీయాలని సూచించారు. ఈ సంవత్సరం స్పెషల్ ఎక్సైజ్ డ్యూటీ కింద ప్రతి సంవత్సరం ఐదు లక్షల రూపాయల డీడీ తీయాలని దశరథం తెలిపారు.
52 మద్యం దుకాణాల కోసం టెండర్ల ఆహ్వానం