మహబూబాబాద్​లో 50 క్వింటాళ్ల నల్లబెల్లం స్వాధీనం

అక్రమాలకు పాల్పడితే ఉపేక్షించేది లేదని మహబూబాబాద్‌ జిల్లా ఎస్పీ నంద్యాల కోటిరెడ్డి అన్నారు. అక్రమంగా తరలిస్తున్న 50 క్వింటాళ్ల నల్లబెల్లం, క్వింటాల్‌ పటికను చిన్నగూడూరు మండలం ఉగ్గంపల్లి శివారులో పోలీసులు స్వాధీనం చేసుకున్నారు.

మహబూబాబాద్​ జిల్లా చిన్నగూడూరు మండలం ఉగ్గంపల్లి శివారులో పోలీసులు అక్రమంగా తరలిస్తున్న బెల్లాన్ని స్వాధీనం చేసుకున్నారు. పెట్రోలింగ్‌ చేస్తున్న ఎస్సై ప్రసాదరావు, ఏఎస్సై చందర్‌, కానిస్టేబుల్‌ నరేష్‌లను చూసి నిందితులు పారిపోయేందుకు ప్రయత్నించగా... పట్టుకొని అరెస్టు చేశారు.

వారి నుంచి డీసీఎం వ్యాన్‌, 3 లక్షల విలువైన నల్లబెల్లం, పటికను స్వాధీనం చేసుకున్నారు. అక్రమాలకు పాల్పడితే ఉపేక్షించేది లేదని ఎస్పీ కోటిరెడ్డి హెచ్చరించారు. అనంతరం ఎస్సై ప్రసాదరావు, ఏఎస్సై చందర్‌, కానిస్టేబుల్‌ నరేష్‌లకు ఎస్పీ నగదు ప్రోత్సాహకాలు అందజేశారు.

ఇవీచూడండి:రాష్ట్రంలో ఐదుకు చేరిన కరోనా పాజిటివ్ కేసులు