అక్రమంగా గంజాయి తరలిస్తున్న ముగ్గురు అరెస్ట్​

గంజాయి తరలిస్తున్న ముగ్గురిని మహబూబాబాద్‌ జిల్లా మరిపెడ వద్ద పోలీసులు అరెస్ట్​ చేశారు. వారి నుంచి రూ.24 వేల విలువైన గంజాయి స్వాధీనం చేసుకున్నారు.

అక్రమంగా గంజాయిని తరలిస్తున్న ముగ్గురు నిందితులను పోలీసులు మహబూబాబాద్​ జిల్లా మరిపెడ వద్ద అరెస్ట్​ చేశారు. మరిపెడకు చెందిన ఎస్​కే సయ్యద్​, నూర్​ ఖాన్​, బి.శ్రీనివాస్​ అనే ముగ్గురు... ఖమ్మం జిల్లాకు చెందిన రాంబాబు అనే వ్యక్తి నుంచి మూడు కిలోల ఎండు గంజాయి కొనుగోలు చేశారు. దానిని మహరాష్ట్రలోని నాగ్​పూర్​కు తరలిస్తుండగా పక్కా సమాచారంతో రాజీవ్​గాంధీ కూడలి వద్ద కాపుకాసి పట్టుకున్నారు.

నిందితుల నుంచి రూ.24వేల విలువైన గంజాయిని స్వాధీనం చేసుకుని రిమాండ్​కు తరలించామని.. మరోకరు పరారీలో ఉన్నాడని తొర్రూరు డీఎస్పీ వెంకట రమణ తెలిపారు.

ఇదీ చూడండి: భద్రాచలంలో 270 కిలోల గంజాయి స్వాధీనం...