పోలీసులను సన్మానించిన జాగృతి మహిళా మండలి సభ్యులు

లాక్​డౌన్​ నేపథ్యంలో అంకితభావంతో విధులు నిర్వహిస్తున్న పోలీసులను కాగజ్​నగర్​లో జాగృతి మహిళా మండలి సభ్యులు సత్కరించారు. పోలీసులు నిబద్ధతతో విధులు నిర్వహించడం వల్లే కరోనా వ్యాప్తిని అడ్డుకోగలుగుతున్నామని జాగృతి సభ్యులు అన్నారు.

కరోనా కష్టకాలంలో అంకిత భావంతో విధులు నిర్వహిస్తున్న పోలీసులపై పూలు చల్లి శాలువతో సత్కరించారు కుమురంభీం ఆసిఫాబాద్​ జిల్లా కాగజ్​నగర్ పట్టణంలోని జాగృతి మహిళా మండలి సభ్యులు. పట్టణంలోని రాజీవ్ గాంధీ చౌరస్తా వద్ద ఎస్సైలు రవి కుమార్, రాజ్ కుమార్, తహశీయుద్దీన్​తో పాటు ఇతర పోలీస్ సిబ్బందికి శాలువా కప్పి సన్మానించారు.

కరోనా వ్యాప్తిని అరికట్టేందుకు ప్రభుత్వాలు లాక్​డౌన్ విధించగా పోలీసులు నిబద్ధతగా విధులు నిర్వహించడం వల్లే వైరస్ వ్యాప్తి నియంత్రించగలుగుతున్నామని జాగృతి సభ్యులు అన్నారు. ఈ కార్యక్రమంలో జాగృతి మహిళా మండలి అధ్యక్షురాలు గీతా చౌహన్, కార్యదర్శి నీతూ సర్కార్, తదితరులు పాల్గొన్నారు.

ఇవీ చూడండి: ప్రజల ముందుకు నిజాన్ని తీసుకొచ్చిన ఈనాడుకు అభినందనలు