ప్రారంభమైన శ్రీ బాలాజీ వెంకటేశ్వర స్వామి జాతర

కొమురం భీం ఆసిఫాబాద్​ జిల్లా గంగాపూర్​ గ్రామంలో మూడు రోజుల పాటు జరగనున్న శ్రీ బాలాజీ వెంకటేశ్వర స్వామి జాతర నేడు ప్రారంభమైంది. ఈ వేడుకకు ఇతర రాష్ట్రాల నుంచి కూడా భారీ సంఖ్యలో భక్తులు హాజరవుతారన్న అంచనాలతో ఎలాంటి అవాంఛనీయ సంఘటనలు జరగకుండా అధికారులు భద్రతా చర్యలు చేపట్టారు.

కొమురం భీం ఆసిఫాబాద్ జిల్లా రెబ్బెన మండలం గంగాపూర్​ గ్రామంలో శ్రీ బాలాజీ వెంకటేశ్వర స్వామి జాతర ఘనంగా ప్రారంభమైంది. ఈ నెల 28 వరకు జరగనున్న ఈ వేడుకకు అధికారులు అన్ని ఏర్పాట్లను పూర్తి చేశారు.

శ్రీ బాలాజీ వెంకటేశ్వర స్వామివారికి తిరుమల తిరుపతి దేవస్థానం ఆధ్వర్యంలో అధికారులు పట్టు వస్త్రాలను సమర్పించారు. స్వామివారి ఉత్సవ విగ్రహాలతో శనివారం సాయంత్రం 6:30 గంటలకు రథోత్సవ కార్యక్రమం జరగనుందని ఆలయ పూజారులు తెలిపారు. ఈ జాతరకు ఇతర రాష్టాల నుంచి కూడా భక్తులు భారీ సంఖ్యలో హాజరవుతారన్న అంచనాలతో ఎలాంటి అవాంఛనీయ సంఘటనలు జరగకుండా పటిష్ఠ భద్రతా చర్యలు చేపట్టినట్లు ఆసిఫాబాద్​ డీఎస్పీ అచ్చెశ్వరరావు తెలిపారు.

ఇదీ చదవండి:మేడారానికి పోటెత్తిన భక్తులు.. మొక్కులు చెల్లింపులు