నకిలీ విత్తనాలు, 33లక్షల నగదు స్వాధీనం

కుమురం భీం జిల్లాలోని సిర్పూర్​ టీ మండల వ్యవసాయ అధికారులు, పోలీసులు తనిఖీలు నిర్వహించారు. దాడుల్లో 270 నకిలీ పత్తి విత్తనాల పాకెట్లు, 33 లక్షలు స్వాధీనం చేసుకున్నట్లు ఎస్పీ మల్లారెడ్డి తెలిపారు.

కుమురం భీం ఆసిఫాబాద్ జిల్లాలో పోలీసులు దాడులు నిర్వహించారు. 270 నకిలీ పత్తి విత్తనాల పాకెట్లు, 33 లక్షలు నగదు స్వాధీనం చేసుకున్నారు. పోలీసులకు ముందస్తు సమాచారంతో ఈ నెల 3న సిర్పూర్​ టీ మండల వ్యవసాయ అధికారులతో కలిసి పోలీసులు పలు ఇళ్లలో తనిఖీలు చేపట్టారు. వీరందరికి నకిలి విత్తనాలు సరఫరా చేసిన వ్యక్తి హనుమంతురావుగా గుర్తించామని ఎస్పీ మల్లారెడ్డి అన్నారు. ఇతన్ని మహరాష్ట్రలోని బల్లార్షాలో జూన్​ 9న అదుపులోకి తీసుకున్నామని తెలిపారు. హనుమంతరావు చింతల మానపెళ్లి మండలంలోని పోలీస్ స్టేషన్​లో రెండు కేసుల్లో నిందితుడిగా ఉన్నాడని ఎస్పీ పేర్కొన్నారు.

ఇవీ చూడండి: అమ్మవారి చెంత అక్షరాభ్యాసం... పెరిగిన భక్తుల రద్దీ