కుమురం భీం జిల్లా కాగజ్నగర్ పట్టణంలోని ఎస్కేఈ ప్రభుత్వ డిగ్రీ కళాశాలను ఎమ్మెల్యే కోనేరు కోనప్ప సందర్శించారు. కళాశాలలోని సమస్యలపై విద్యార్థులను అడిగి తెలుసుకున్నారు. కళాశాల సమస్యలను పరిష్కరించడానికి ప్రభుత్వం సానుకూలంగా ఉందన్నారు. గత వారంలో తాను విద్యాశాఖ మంత్రి సబితా ఇంద్రా రెడ్డిని కలిసి కళాశాల స్థితిగతులను వివరించానని తెలిపారు. కళాశాల అభివృద్ధికి తాను ప్రత్యేక శ్రద్ధ తీసుకున్నట్లు వెల్లడించారు. ట్రైబల్ వెల్ఫేర్ రెసిడెన్షియల్ బాలికల హాస్టల్ను సందర్శించారు. పాఠశాలల్లోని విద్యార్థునులకు కోనేరు చారిటబుల్ట్రస్ట్ ద్వారా స్పోకెన్ ఇంగ్లీష్ పుస్తకాలు అందించి వారితో కలిసి భోజనం చేశారు.
ప్రభుత్వ డిగ్రీ కళాశాల అభివృద్ధికి ఎమ్మెల్యే ప్రత్యేక శ్రద్ధ