'మాస్కు ధరించకుంటే జరిమానా తప్పదు'

కరోనా విజృంభిస్తోన్న నేపథ్యంలో కుమురంభీం జిల్లా అధికారులు వైరస్​ కట్టడి చర్యలు ముమ్మరం చేస్తున్నారు. మాస్క్​లు ధరించకుండా బయట తిరుగుతున్నవారికి జరిమానా విధిస్తున్నారు.

కుమురం భీం ఆసిఫాబాద్​ జిల్లా కాగజ్​నగర్ పట్టణంలో శుక్రవారం 5 పాజిటివ్ కేసులు నమోదు కావడం వల్ల అధికారులు అప్రమత్తమయ్యారు. ప్రజలు అందరూ మాస్క్​లు తప్పని సరిగా ధరించాలని ప్రచారం చేస్తున్నారు.

పట్టణంలోని రాజీవ్​గాంధీ చౌరస్తాలో మునిసిపల్ కమిషనర్ శ్రీనివాస్ ఆధ్వర్యంలో మాస్క్ ధరించకుండా బయట తిరుగుతున్న పలువురికి పురపాలక సిబ్బంది రూ.1000 చొప్పున జరిమానా విధించారు. కరోన వైరస్ ను వ్యాప్తి చెందకుండా ఉండాలంటే అందరూ కచ్చితంగా భౌతిక దూరం పాటించాలని.. అవసరం ఉంటేనే బయటకు రావాలని కోరుతున్నారు.

ఇదీ చూడండి :రాష్ట్రంలో 42 వేలు దాటిన కరోనా కేసులు.. 400పైగా మరణాలు