కాగజ్​నగర్ రైల్వే స్టేషన్​లో అంతర్రాష్ట్ర దొంగలు పట్టివేత​

కుమురం భీం జిల్లా కాగజ్​నగర్​ రైల్వే స్టేషన్​లో ఇద్దరు అంతర్రాష్ట్ర దొంగలు పట్టుబడ్డారు. వారి నుంచి 2 లక్షల విలువైన బంగారు ఆభరణాలు, 16 వేల నగదు, 4 చరవాణీలు స్వాధీనం చేసుకున్నారు.

కుమురం భీం జిల్లా కాగజ్​నగర్ రైల్వే స్టేషన్​లో ఇద్దరు అంతర్రాష్ట్ర దొంగలను పోలీసులు పట్టుకున్నారు. అనుమానాస్పదంగా తిరుగుతున్న ఇద్దరిని అదుపులోకి తీసుకుని విచారించగా తాము మధ్యప్రదేశ్​కు చెందినట్లుగా చెప్పారని జీఆర్పీ సీఐ స్వామి తెలిపారు.

అనంతరం వారి బ్యాగులు తనిఖీ చేయగా 2 లక్షల విలువ గల బంగారు ఆభరణాలు, 16 వేల నగదు, నాలుగు చరవాణీలు లభ్యమయ్యాయని సీఐ వెల్లడించారు. నిందితులైన ఆశిష్​ గుప్త, వినోద్​ గోస్వామిపై కేసు నమోదు చేసి రిమాండ్​కు తరలించినట్లు పేర్కొన్నారు.

ఇవీచూడండి: నర్సాపూర్​ దారిదోపిడీ కేసులో నిందితులు అరెస్