ఆసిఫాబాద్​లోనే డీజీపీ.. ఎందుకెళ్లినట్టు.. ఏం చేస్తున్నట్టు?

డీజీపీ మహేందర్​ రెడ్డి గత నాలుగు రోజులుగా ఆసిఫాబాద్​లోనే బస చేస్తున్నారు. డీజీపీ ఇక్కడ ఉండడం ప్రాధాన్యత సంతరించుకుంది.

కుమురం భీం ఆసిఫాబాద్ జిల్లా కేంద్రంలోని ఎస్పీ కార్యాలయంలో డీజీపీ మహేందర్​ రెడ్డి బస చేస్తున్నారు. ఈ నెల 2న హెలికాప్టర్​లో ఆసిఫాబాద్​కు చేరుకున్న డీజీపీ అప్పటి నుంచి ఇక్కడే ఉంటున్నారు. ఆయన నాలుగు రోజులుగా ఇక్కడే ఉండడం ప్రాధాన్యత సంతరించుకుంది.

మహేందర్​ రెడ్డి రామగుండం సీపీ సత్యనారాయణ, ఆదిలాబాద్ ఎస్పీ విష్ణు వారియర్​తో కలిసి ఉమ్మడి ఆదిలాబాద్ జిల్లా అటవీ ప్రాంతంలో ఏరియల్ సర్వే నిర్వహించారు. శుక్రవారం రాత్రి మారుమూల అటవీ ప్రాంతమైన తిర్యాణి పోలీస్ స్టేషన్​ను సందర్శించి.. పోలీసులకు దిశానిర్దేశం చేశారు. ఆయన మీడియాతో మాట్లాడానికి నిరాకరించారు.

ఇదీ చూడండి:'సరిహద్దుల్లో యథాతథ స్థితిని పునరుద్ధరించాల్సిందే!'