టెక్నికల్ తప్పిదాలు... విద్యుత్​ కోతలు...

అసలే వేసవికాలం... భరించలేని ఉక్కబోత... ఇలాంటి సమయంలో కరెంట్ కోతలు విధిస్తే ఇంకేమైనా ఉందా... కొమురం భీం ఆసిఫాబాద్​ జిల్లా కేంద్రంలో ఇదే జరుగుతోంది. వరుస విద్యుత్ కోతలతో ప్రజలు తీవ్ర ఇబ్బందులు పడుతున్నారు.

కొమురం భీం ఆసిఫాబాద్ జిల్లా కేంద్రంలో కరెంటు సమస్య తీవ్రంగా ఉందంటూ స్థానికులు పేర్కొన్నారు. విద్యుత్ లేక సతమవుతున్నామని ఆవేదన వ్యక్తం చేశారు. సబ్​స్టేషన్​కు వెళ్లి ట్రాన్స్​కో ఏఈ ఫిరోజ్​ ఖాన్​ని నిలదీశారు. ఎలాంటి ప్రకటనలు లేకుండా టెక్నికల్​ తప్పిదాలు అంటూ కోతలు విధించడమేంటని ప్రశ్నించారు. వెంటనే సమస్యను పరిష్కరించాలని... లేకుంటే ఆందోళనలు చేస్తామని హెచ్చరించారు.