డీజీపీని కలిసిన కలెక్టర్​ సందీప్​ కుమార్​ ఝా

కుమురంభీం జిల్లాలో గత నాలుగు రోజులుగా బస చేస్తున్న డీజీపీని జిల్లా కలెక్టర్​ సందీప్​ కుమార్​ ఝా కలిశారు. అసలు ఏం జరుగుతుందోనన్నఉత్కంఠతో అందరూ ఎదురుచూస్తున్నారు.

కొమురం భీం ఆసిఫాబాద్ జిల్లాలో గత నాలుగు రోజులుగా పర్యటిస్తూ ఎస్పీ క్యాంప్ కార్యాలయంలో డీజీపీ బస చేస్తున్నారు. ఈరోజు ఉదయం నుంచి పోలీసులకు దిశానిర్దేశం చేస్తూ... సమీక్ష సమావేశం నిర్వహించారు. ఈ క్రమంలో జిల్లా పాలనాధికారి సందీప్ కుమార్ ఝా డీజీపీని కలవడానికి ఎస్పీ క్యాంపు కార్యాలయానికి వచ్చారు.

ఈ మేరకు జిల్లాలో అసలు ఏం జరుగుతుందోనన్న ఉత్కంఠ నెలకొంది. సమీక్ష సమావేశం అనంతరం బయటికి వచ్చిన అడిషనల్ ఎస్పీ సుధీంద్ర, మంచిర్యాల జిల్లా డీసీపీ ఉదయ్ కుమార్ రెడ్డిని మీడియాను కలవడానికి ప్రయత్నించగా వారు నిరాకరించారు.

ఇదీ చూడండి:'తీవ్రవాదం ఏ రూపంలో ఉన్నా భారత్​ సహించదు'