Birds Walk Festival 2022 : ఎన్నో మధురానుభూతులను పంచిన బర్డ్స్​​​వాక్​ ఫెస్టివల్​

Birds Walk Festival 2022: కుమురం భీం జిల్లా కాగజ్‌నగర్‌ అడవుల్లో కొనసాగుతున్న బర్డ్స్‌ వాక్‌ ఫెస్టివల్‌కు విశేష స్పందన లభిస్తోంది. పర్యాటకులు రకరకాల పక్షుల కూతల నడుమ ప్రకృతిని ఆస్వాదిస్తూ పరవశించిపోతున్నారు. 2019 డిసెంబర్‌లో తొలిసారి బర్డ్స్​వాక్‌ను నిర్వహించిన అధికారులు.... ప్రకృతి ప్రేమికుల విశేష స్పందనతో ఏటా కొనసాగిస్తున్నారు.

Birds Walk Festival 2022 : కుమురం భీం జిల్లా అటవీశాఖ ఆధ్వర్యంలో చేపట్టిన బర్డ్స్​వాక్‌ ఫెస్టివల్‌ రెండోరోజు ఉత్సాహంగా సాగుతోంది. పక్షుల కిలకిల రావాల నడుమ ప్రకృతి సోయగాలను ఆస్వాదించేందుకు.. పర్యావరణ ప్రేమికులు తెల్లవారుజామునే అడవిలోకి పయనమయ్యారు.

Birds Walk Festival 2022 in Kagaznagar : కాగజ్​నగర్ మండలంలోని కడంబ, రేగుల గూడ, కోసిని, వాచ్ టవర్, సిర్పూర్ టిలో మాలిని, బెజ్జూరు మండలంలో మత్తడి స్ప్రింగ్ కట్ట, పెంచికలపేట మండలంలో కొండపల్లి అటవీ ప్రాంతాల్లోని పక్షులు పర్యాటకులను ఆకర్షించాయి. రెండు రోజులపాటు సాగే బర్డ్స్​వాక్ ఫెస్టివల్ తమ జీవితంలో మధురానుభూతిని మిగిల్చిందని పర్యాటకులు తెలిపారు.

అటవీశాఖ అధికారులు వారి వెంట ఉండి.. రకరకాల పక్షులను చూపించి మధురానుభూతిని కలిగించారు. బర్డ్ వాక్ ఫెస్టివల్ ముగింపు సందర్భంగా ఇవాళ కాగజ్​నగర్ డివిజన్ కార్యాలయంలో పర్యాటకులకు ధ్రువపత్రాలతో పాటు జ్ఞాపికలు అందించనున్నారు.

ఇదీ చూడండి:Bird Walk in Forest: ఆసిఫాబాద్ జిల్లా అడవుల్లో బర్డ్‌వాక్‌.. చూద్దాం రారండోయ్‌!