'అంగన్వాడీల సమస్యలు వెంటనే పరిష్కరించాలి...'

ఆసిఫాబాద్​లోని మహిళా శిశు సంక్షేమ అధికారి కార్యాలయం ఎదుట అంగన్వాడీ కార్యకర్తలు ఆందోళన చేపట్టారు. తమ సమస్యలు వెంటనే పరిష్కరించాలని లేదంటే పెద్ద ఎత్తున నిరసన కార్యక్రమాలు చేపడతామని హెచ్చరించారు.

తమ సమస్యలు పరిష్కరించాలంటూ ఆసిఫాబాద్​లోని మహిళా శిశు సంక్షేమ అధికారి కార్యాలయం ముందు అంగన్వాడీలు ధర్నా చేశారు. పెండింగ్​లో ఉన్న జీతాలను వెంటనే చెల్లించాలని డిమాండ్​ చేశారు. కనీస వేతనం చెల్లించి... ఉద్యోగ భద్రత కల్పించాలని కోరారు. ఆసిఫాబాద్, వాంకిడి, జైనూర్ ప్రాజెక్టులలో కోత విధించిన తొమ్మిది రోజుల వర్తమానాన్ని ఇవ్వాలన్నారు. అర్హత కలిగిన వారికి బదిలీలు చేయాలని విజ్ఞప్తి చేశారు. అంగన్వాడీ కేంద్రాలకు సబ్సిడీ గ్యాస్​లను పంపిణీ చేయాలన్నారు. సమస్యలను పరిష్కరించకుంటే పెద్ద ఎత్తున ఆందోళన కార్యక్రమాలు చేపడతామని అంగన్వాడీలు హెచ్చరించారు.

ఇవీ చూడండి:తెలంగాణ ఎత్తుతోంది పూలబోనం