హింసిస్తున్నాడని భర్తను చంపిన భార్య

రోజూ తాగొచ్చి హింసించడం వల్ల తట్టుకోలేని భార్య భర్తను అంతమొందించిన ఘటన కుమురం భీం జిల్లా లక్ష్మీపూర్​లో జరిగింది. శీతలపానీయంలో పురుగుల మందు కలిపి కట్టుకున్నవాడికి తాగించి కడతేర్చింది.

కుమురంభీం ఆసిఫాబాద్​ జిల్లా రెబ్బెన మండలం లక్ష్మీపూర్​లో దారుణం జరిగింది. భర్తను కట్టుకున్న భార్యే ప్రాణం తీసింది. చిలాటిగుడకు చెందిన రూపకు 11 సంవత్సరాల క్రితం శంకర్​తో వివాహమైంది. వీరికి ఇద్దరు కుమార్తెలు ఉన్నారు. గత కొంతకాలంగా శంకర్​ తాగుడుకు బానిసై భార్యను రోజు మానసికంగా హింసించేవాడు. తట్టుకోలేని రూప పతిని చంపాలని నిర్ణయించుకుంది. శీతలపానీయంలో పురుగుల మందు కలిపి భర్తకు ఇచ్చింది. అది తాగి మృతి చెందాడు. కేసు నమోదు చేసుకున్న పోలీసులు విచారణ జరుపుతున్నారు.

ఇవీ చూడండి: అటవీ శాఖ మంత్రిని కలిసిన ఐకాస ప్రతినిధులు