ఖమ్మంలో ఐటీ హబ్‌-2కి త్వరలో శంకుస్థాపన: కేటీఆర్‌

ఖమ్మం ఐటీ హబ్‌-2కి త్వరలో శంకుస్థాపన చేయనున్నట్లు మంత్రి కేటీఆర్ తెలిపారు. ఈ విషయాన్ని ట్విటర్​ ద్వారా ప్రకటించారు.

ఖమ్మం ఐటీ హబ్‌-2కి త్వరలో శంకుస్థాపన చేస్తామని పరిశ్రమలు, ఐటీ శాఖల మంత్రి కేటీఆర్​ బుధవారం ట్విటర్​లో వెల్లడించారు. ఇప్పటికే అక్కడ హబ్‌ తొలిదశ విజయవంతంగా నడుస్తోందని, దానిని విస్తరించేందుకు రెండో దశను మంజూరు చేశామన్నారు.

ఐటీహబ్‌-2 కోసం రూ.36 కోట్ల వ్యయంతో 55వేల చదరపు అడుగుల్లో సౌధం(టవర్‌) నిర్మించేందుకు ప్రభుత్వం అనుమతులు మంజూరు చేసిందన్నారు. అందులో 570 మంది ఒకేసారి పనిచేసుకునేలా భవన నిర్మాణం జరుగుతుందన్నారు.

• ఇదీ చూడండి:సీఎం కేసీఆర్ అధ్యక్షతన ప్రగతిభవన్‌లో మంత్రివర్గం భేటీ