TRS protests in sathupally: ఖరీఫ్ ధాన్యం కొనుగోళ్లు, యాసంగిలో ఎంత ధాన్యం కొంటారనే దానిపై స్పష్టత ఇవ్వాలని కేంద్ర ప్రభుత్వాన్ని సత్తుపల్లి ఎమ్మెల్యే సండ్ర వెంకట వీరయ్య డిమాండ్ చేశారు. ఇప్పుడు రైతులు కోతలు ముగించి యాసంగి పంట సాగు చేసే సమయమని.. ఈ సమయంలో వారిని ఇబ్బందులు గురిచేయొద్దని కేంద్రానికి సూచించారు. తెలంగాణ రైతుల ధాన్యం కొనుగోళ్లపై కేంద్రం రాజకీయం ప్రదర్శిస్తోందని ఆరోపించారు. ఈ ఏడేళ్లలో రాష్ట్రంలో ఎఫ్సీఐ కొత్త గోదాములు ఎందుకు కట్టలేదని ప్రశ్నించారు. పక్షపాతధోరణి వహిస్తూ.. రాష్ట్ర మంత్రులు, ఎంపీలకు అపాయింట్మెంట్ ఇవ్వకుండా వివక్ష ప్రదర్శిస్తున్నారని సండ్ర మండిపడ్డారు.
భాజపా వైఖరి వల్ల రైతులు ఇబ్బందులు పడుతున్నారు: ఎమ్మెల్యే సండ్ర