అమర జవాన్ల​కు ఖమ్మంలో తెదేపా నివాళి

గాల్వన్​ ఘటనలో అమరులైన భారత జవాన్లకు ఖమ్మంలో తెదేపా నాయకులు నివాళులర్పించారు. పార్టీ జిల్లా కార్యాలయంలో కల్నల్​ సంతోశ్​​బాబు చిత్రపటానికి పూలమాలలు వేసి సంతాపం ప్రకటించారు.

లద్దాక్​లోని గాల్వన్​ లోయలో భారత్​ - చైనా సైనికుల ఘర్షణలో మృతి చెందిన భారత జవాన్లకు ఖమ్మంలో తెదేపా నాయకులు నివాళి అర్పించారు. తెదేపా పార్లమెంట్‌ అధ్యక్షుడు కూరపాటి వెంకటేశ్వర్లు అధ్వర్యంలో జిల్లా పార్టీ కార్యాలయంలో కల్నల్‌ సంతోశ్​బాబు చిత్రపటానికి పూలమాల వేసి సంతాపం ప్రకటించారు.

సంతోశ్​ బాబు కుటుంబానికి తమ ప్రగాఢ సానుభూతిని తెలిపారు. చైనా కవ్వింపు చర్యలు మానుకోవాలని సూచించారు. లేనిపక్షంలో భారత మిలటరీ దళాల నుంచి ప్రతిఘటన తప్పదని హెచ్చరించారు.

ఇవీ చూడండి:కరోనా నిర్ధారణ కోసమెళ్తే.. అంటుకునేలా చేస్తున్నారు!