కల్తీకి కాదేది అనర్హం.. అన్న నానుడిని అక్షరాల రద్దు చేస్తున్నారు ఖమ్మం జిల్లా మధిరలోని కొందరు వ్యాపారులు. ఆహార పదార్థాలనే కాదు.. చివరకు తాగే పాలను కృత్రిమంగా తయారు చేసి.. కల్తీకి పాల్పడుతున్నారు. ఫలితంగా ప్రజల ఆరోగ్యంతో చెలగాటమడుతూ.. కాసులు సొమ్ము చేసుకుంటున్నారు.
ఖమ్మం జిల్లా మధిర సుందరయ్య నగర్లో నివాసముండే గడ్డం జ్యోతి పాలను కొనుగోలు చేసింది. రోజులాగే పాలు వేడి చేస్తుండగా పాలు విరిగిపోయాయి. మాములుగా అయితే విరిగిన పాలు ఒకేలా ఉంటాయి. కానీ ఈ పాలు గడ్డలు, గడ్డలుగా మారిపోయి అవి ప్లాస్టిక్ను తలపించేలా సాగుతూ వచ్చాయి. లీటర్కు 65 రూపాయలు వెచ్చించి.. కొనుగోలు చేసిన పాలు కూడా కృత్రిమంగా తయారు చేసినవి కావడంతో ఆందోళన చెందుతున్నారు.