'షర్మిలమ్మకే మా మద్దతు... ఆమెతోనే ఉంటాం'

షర్మిలమ్మకే తమ మద్దతు ఉంటుందని మధిర పురపాలక వైస్ ఛైర్​పర్సన్ శీలం విద్యాలత, ఆమె భర్త శీలం వెంకట రెడ్డి ప్రకటించారు. ఖమ్మంలో జరగనున్న బహిరంగ సభలో అధికారికంగా చేరతామంటూ వెల్లడించారు. హైదరాబాద్​లో ఆమెను ఇటీవల కలిసినట్లు తెలిపారు.

వైఎస్​ షర్మిలకే తమ పూర్తి మద్దతు ఉంటుందని ఖమ్మం జిల్లా మధిర పురపాలక వైస్ ఛైర్​పర్సన్ శీలం విద్యాలత, ఆమె భర్త శీలం వెంకట రెడ్డి తెలిపారు. ఏప్రిల్ 9న ఖమ్మంలో జరిగే బహిరంగ సభలో అధికారికంగా షర్మిలమ్మ పార్టీలో చేరతామని స్పష్టం చేశారు. వారు హైదరాబాద్​లోని లోటస్ పాండ్​లో షర్మిలను ఇటీవల కలిసినట్లు వెల్లడించారు.

స్థానిక తెరాస నాయకులు వారిని బుజ్జగించే ప్రయత్నాలు చేయగా... షర్మిలను కలిసిన మరుసటి రోజు ఆ పార్టీలోనే కొనసాగుతామంటూ ప్రకటించారు. షర్మిల నేరుగా వారితో ఫోన్​లో మాట్లాడగా తమ నిర్ణయాన్ని వెనక్కి తీసుకున్నామని భరత్ విద్యాసంస్థల అధినేత శీలం వెంకట రెడ్డి వెల్లడించారు.

ఇదీ చదవండి:న్యాయవాద దంపతుల హత్యకేసులో మరొకరు అరెస్ట్​