ఖమ్మం జిల్లాలో ఘోర ప్రమాదం

ఖమ్మం జిల్లా సత్తుపల్లి మండలం బెతుపల్లి వద్ద ఘోర ప్రమాదం సంభవించింది. ట్రాక్టర్​ను లారీ ఢీకొన్న ఘటనలో ఇద్దరు మృతి చెందారు. మరో ఐదుగురికి తీవ్రగాయాలయ్యాయి.

ఖమ్మం జిల్లా సత్తుపల్లి మండలం బెతుపల్లి వద్ద ట్రాక్టర్​ను లారీ ఢీకొన్న ఘటనలో మండలంలోని రామగోవిందా పురానికి చెందిన ఇద్దరు మృతి చెందారు. మృతులు సడియం వెంకటేశ్వర్లు(35), కణిత లక్ష్మీనారాయణ(45)గా గుర్తించారు. మరో ఐదుగురికి తీవ్రగాయాలయ్యాయి. సత్తుపల్లిలో ఆదివాసి దినోత్సవం సందర్భంగా నిర్వహించే బహిరంగ సభకు రామ గోవిందాపురం నుంచి 20 మంది ట్రాక్టర్లలో బయలు దేరారు. బేతుపల్లి వద్ద ట్రాక్టర్​ను లారీ ఢీ కొట్టడంతో పల్టీ కొట్టింది. మృతుని కుటుంబ సభ్యులను ఖమ్మం ఎంపీ నామా నాగేశ్వరరావు, సత్తుపల్లి ఎమ్మెల్యే సండ్ర వెంకటవీరయ్య, మాజీ ఎంపీ పొంగులేటి శ్రీనివాస్ రెడ్డి, ట్రైకార్ మాజీ ఛైర్మన్ తాటి వెంకటేశ్వర్లు పరామర్శించారు.

ఇదీ చూడండి : ఖమ్మంలో ప్రపంచ ఆదివాసి దినోత్సవం