'స్పందన: ప్రసూతి సేవలు నిలిచిపోకుండా నియామకాలు చేపట్టాలి'

ఖమ్మం మాతా శిశు ఆసుపత్రిలో నిలిచిపోయిన ప్రసూతి సేవలపై ఈటీవీ భారత్, ఈటీవీ తెలంగాణ ప్రచురించిన కథనాలపై కలెక్టర్​ ఆర్​.వి.కర్ణన్​ స్పందించారు. సేవలు నిలిచిపోకుండా నియామకాలు చేపట్టాలని అధికారులను ఆదేశించారు.​

ఖమ్మం మాతా శిశు ఆసుపత్రిలో నిలిచిపోయిన ప్రసూతి సేవలపై.. 'అవార్డులు దక్కించుకున్న ఆసుపత్రి.. ప్రసవం చేయలేకపోతోంది..!' అనే శీర్షికతో ఈటీవీ భారత్​లో ప్రచురితమైన కథనంపై జిల్లా పాలనాధికారి ఆర్.వి.కర్ణన్‌ స్పందించారు. ఆసుపత్రిలో ప్రసూతి సేవలు నిలిచిపోకుండా నియామకాలు చేపట్టాలని సంబంధిత అధికారులను ఆదేశించారు.

ప్రసూతి సేవలు నిలిచిపోకుండా ఆసుపత్రిలో ఇద్దరు వైద్యులను డిప్యుటేషన్​పై నియమించిన కలెక్టర్​.. వైద్యుల నియామకం కోసం సోమవారం ఇంటర్వ్యూలు నిర్వహించాలని సూచించారు.

రోజుకు 20 నుంచి 30 ప్రసవాలు చేసే ఖమ్మం మాతా శిశు ఆసుపత్రిలో కరోనా ప్రభావం వల్ల వైద్యులు, సిబ్బంది హోం ఐసోలేషన్​కు పరిమితం కావడం వల్ల తొలిసారిగా ప్రసూతి సేవలు నిలిచిపోయాయి.