పాఠశాలలను ప్రారంభించాలని కోరుతూ ప్రైవేట్ టీచర్స్ ధర్నా

ఖమ్మం జిల్లా పాలేరు నియోజకవర్గం నేలకొండపల్లి మండలంలో ప్రైవేట్ ఉపాధ్యాయులు మహాధర్నా చేపట్టారు. పాఠశాలలను ప్రారంభించాలని డిమాండ్​ చేశారు. టీఆర్​ఎస్​ఎంఏ, టీపీటీఎఫ్​ ఆధ్వర్యంలో ర్యాలీ నిర్వహించిన అనంతరం తహసీల్దార్​కు వినతి పత్రం అందజేశారు.

పాఠశాలలను ప్రారంభించాలని డిమాండ్​ చేస్తూ.. ఖమ్మం జిల్లా పాలేరు నియోజకవర్గం నేలకొండపల్లి మండలంలో ప్రైవేట్ ఉపాధ్యాయులు ధర్నాకు దిగారు. టీఆర్​ఎస్​ఎంఏ, టీపీటీఎఫ్​ ఆధ్వర్యంలో మండల కేంద్రం నుంచి తహసీల్దార్ కార్యాలయం వరకు ర్యాలీ నిర్వహించారు. ఎమ్మార్వో​కు వినతి పత్రం అందజేశారు.

కరోనా కాలంలో నష్టపోయిన తమకు నెలకు 7000 చొప్పున ప్రభుత్వం భృతి కల్పించాలని ఉపాధ్యాయులు డిమాండ్​ చేశారు. కొవిడ్​ వల్ల ఉపాధి కోల్పోయి.. తమ కుటుంబాలు వీధిన పడ్డాయని వాపోయారు. పాఠశాలను తెరిచి.. మళ్లీ బంద్ చేయడం వల్ల టీచర్స్ దిక్కులేని పరిస్థితుల్లో ఉన్నారని ఆవేదన వ్యక్తం చేశారు. ప్రభుత్వం ఆదుకోవాలని.. ప్రైవేట్​ ఉపాధ్యాయులకు ఉపాధి కల్పించాలని కోరారు.

ఇదీ చూడండి: మన సంస్కృతి, సంప్రదాయాన్ని విస్మరిస్తున్నాం: ఉపరాష్ట్రపతి