పర్యటనల్లో పాల్గొంటూ.. డాన్సులతో అలరిస్తున్న ఎమ్మెల్యేలు

MLAs Dance In Khammam: అధికార పార్టీకి చెందిన ఎమ్మెల్యేలు డాన్స్​లతో దుమ్మురేపుతున్నారు. పలు అభివృద్ధి కార్యక్రమాల్లో పాల్గొంటూ.. ఇలా అప్పుడప్పుడు ఆటపాటలతో నియోజకవర్గాల ప్రజలను ఉత్సాహపరుస్తున్నారు. అవకాశం వచ్చినప్పుడు ప్రతిపక్షాలపై విమర్శలు చేస్తూనే.. ఇలా డాన్సులతో ఊర్రూతలూగిస్తున్నారు.

MLAs Dance In Khammam: ఉమ్మడి ఖమ్మం జిల్లాలో తమ నియోజకవర్గాల్లో రాజకీయ పర్యటనలు చేస్తున్న ఎమ్మెల్యేలు పలు కార్యక్రమాల్లో పాల్గొంటూ అవకాశం ఉన్నప్పుడు పాటల జోరుకు తగ్గట్టు చిందేస్తూ అందరినీ అలరింప చేస్తున్నారు. ఇటీవల ప్రభుత్వ విప్ భద్రాద్రి జిల్లా బీఆర్​ఎస్​ అధ్యక్షుడు పినపాక ఎమ్మెల్యే రేగా కాంతారావు ఆళ్లపల్లి మండలంలోని కార్యక్రమంలో పాల్గొని డాన్స్​తో అలరింప చేశారు.

తాజాగా ఆదివారం ఖమ్మం జిల్లా వైరా నియోజకవర్గ పరిధి కారేపల్లి మండలంలో జరిగిన కార్యక్రమంలో ఎమ్మెల్యే రాములు నాయక్ పాల్గొన్నారు. మండలంలో తిరుపతమ్మ అమ్మవారి కల్యాణ కార్యక్రమానికి విచ్చేసిన ఎమ్మెల్యే రాములు నాయక్ డాన్స్​తో అదరగొట్టారు. వీరిద్దరూ బీఆర్​ఎస్​ అధికార పార్టీ నుంచి మాజీ ఎంపీ పొంగులేటి శ్రీనివాస్ రెడ్డి వైపు పార్టీ శ్రేణులు వెళ్లకుండా అడ్డుకట్ట వేసేందుకు ప్రయత్నాలు చేస్తూ.. అవకాశం వచ్చినపుడు విమర్శలు చేస్తూ డాన్సులతో సందడి చేస్తున్నారు.

ఇవీ చదవండి: